أصدقائي صديقاتي ، من منا لا يعرف تراثنا الشعبي وما يزخر به من مزايا ، ومن منا لم يستمع يوما ما  لحكاية شعبية أو مثل من الأمثال أو أغنية من الأغاني القديمة التي كانت ترددها الجدات على مسامعنا أثناء القيام بالأعمال المنزلية ؟؟
بهذه المناسبة ولإحياء الذاكرة البركانية ، تمكنت بفضل بعض الأصدقاء على جمع بعض الأبيات من الشعر الشفهي المتوارث أو ما يسمى بأمازيغية بني يزناسن ب " إيشريبن " ،  كما أن هذه المادة التراثية قد تفيد بعض الباحثين في التراث الشعبي ، لذا أحببت أن أتقاسم معكم هذه المتعة وأتمنى أن لا تبخلو علينا بالمزيد من خلال تعليقاتكم على الموضوع.

آمتهناو حتى داروها *** آ بني يزناسن الرجالا
لبنات لي سڭاو من الركادة *** سڭاو عقلي ما سڭاو الما
لعوقبا ندير ليك 7 ايام*** حميد آ ريش نعام
شفتو ماتسامحت معاه*** من احفير داوه لبركان
آقاضي بركان حل البيبان*** بنات وجدة جاو يدعاو
من الركاة لبني موسي*** حكم للا مكانش القاضي
مول السلطان مول السلهام*** من البعيد إيبان كي لعلام
اضرب البندير يزها ڭلبي *** أهنايا غي بني عمي
للا وجدة كي هبلتيني *** اتريسينتي والامبا تڭدي
دار الفيشتا في الركادة وحدو*** عاونوه آ بني عمو
اولاد لبصارة يا جنان تفاح ***وشحال فيكم رجال ملاح
نكتب بري لمسيو ديكول*** ونش في خويا وين راه يكون
راحنا جينا بالمبات آ لحباب*** فرشو وعطيونا لوجاب
اعبد الله اوختو جوج ***و صيدو الحمام في البروج
العار عليك ابو رانيا ***اتهلا ف نسبية
أهادي حمامة داخلة لدار***الله يدخلها بربح علينا
عبدالحق راه جا عيان ***فرشولوا ف سطح لعوان
روح او ولي المهولني***شك جبال تاوك او ولي
العين الكحلة لمدورة افاطمة***زينة ماشاي مزورة
اجبيلي شي مراة جبلية ***ابالمنديل وششية
الصباط لحمر معرفتو لمنو*** ليل وضلمة وخفت نهملو
بني يزناسن هما ملين هدية*** يعطيو مال ميرضوش بلخطية
آ مرحبا بلي راه ڭاع هنايا*** اهلي ولا البراني
الدار العاليا وجنان حذها *** وريوني وشكون مولاها
جابو الهدية وعشاونا أخوتك أإلهام
مرحبا بكم آ لبراوية ** آ لي جيتو مع خويا
دوانا يا دوار الزين ** ما يشگو غي كحل العين
آ محمد آ نوار اللوز ** بين العزارا تبانلي مفروز
آ لالة گولي لولدك إجي ** ولا نرفد حايكي نمشي
الفقيرة فاطنة والفقير البكاي ** تلاقاو في وجدة شحال بكاو
راحنا جينا لا تگولو ما جاو ** آ فرشو وعطيونا لوجاب
واش نتوما موتا ولا حيين ** ردو علينا آ مراح الزين
آ سيادي لحمامة رگبت ** أواش هي ولا عيني كذبت
شد الفولا ورسي رجليك ** آ خويا الله يهديك
الطابلة والستيلو فيدو ** محمد المايسترو
آ سيادي عامين هو يختار ** جاب موكة دارها فالدار
اسوق اللوطو ارسو عريان ** السي محمد آ لمكسيان
خلوني نزها ويشرح قلبي ** أما هنايا غا بني عمي
بني يزناسن آآعود النوار ** الخير والهمة على الدوار
بني يزناسن آاضو الگمرة ** آ صحاب الشان والهمة
گولو لمي گولو لمي **الزايخة داتلي عقلي
أمولاي مولاي نغ والله واش نغير ** شك أتبنيد السور ناشنين أتنجير
آ دار او ما دار بو فاطمة ** حتى السكر هرسو كياص
امايلمي ثكيذ الشر ** وزناسني ورذيس بو لغدر
سيدي يحيى بشمع نضويك ** الى جات فاطمة هال العار عليك
الديوتيو آثيقبال **آث وريمش السون إجرثال
أ لمن ديك الدار القبلية ** راني نسيت قليبي تم
ادرت نزاهة و ما حضرو شي ** آ زوج طيور خصوني
زغرتي يا لي تعرفي ** عريسنا جبناه بالنشيد
آ سيادي فراق الحباب اشيب ** جربتها بميمتي أنا
ما يعيط ما نسمع لغاه ** رآها الكبدة قربت تنساه
و راني راود لوليد** و خايفاه  مع الشحان يزيد
مزينها لمة فداك الدوار ** آ والجعالة يا مَّا لحرار
بني يزناسن الزعاما ** مطوعين القاضي فالمحكمة
أ جابو لهدية وعشاو هنا ** أ خوتك آ فاطمة
صليو على النبي مجموعين ** راه الصلاه داخلة فالدين
إبراهيم و خوتو زوج  **كي الرايس فايت مع زوج
قولو على مول الدار** هو لي يستاهل الغيوان
الحمد لله مي يوغا ونزار ** أذعمرن ثروين أذعيش اولا ذالمال
العار عليك اسيدي فزوان ** خلي الزين يهود لبركان
آ حاول الكوميسير ** آ يامنة مجروحة والدم إسيل
الزين طلع لجبل ورسى ** في بني محفوظ والطرشة
الله يعطيك اردم اپاري  ** خليت يمينة بلا والي
من الركادة لبني موسي ** تحكم لالة مكانش القاضي
اللي بدراهمو يشقا ** الزين طلع لجبل او رسى
آلي گولتيلي زطامك خاوي ** أهودي للواد تشوفي
آ ندير الحانوت فالرگادة ** نبيع فيه الغالية والعود
آ لي گولتولي حليمة شينة ** حمرا وزينة كاللتشينة
منمشيشي على رجليا ** والكار غادي للسعيدية
نديرو الملگة فالسعدية ** انت فاللوطو وانا على رجلي
من احفير لبركان دارو يومين ** الزعاما هما وزوج خرين
آ رواحو نديرو الملگا فالليل ** آ راه الگمرة خير من القنديل
رفد البليزة والعقل طار معاه ** لوكان گولتولي مشيت معاه
آ ذيك اللي گاعدة فالتاقة ** تبان تضوي كي الحلاقة
لبات لي سقاو من الركادة ** سقاو عقلي ما سقاو الماء
يا لبنية ويا المزوقة ** انت القاضي وآنا المطيرقة
وردوني لكتوب و سحروني ** آ لالة مكونتش في بالي
علاش توريوني سلفها ** وريوني هيا بصفتها
الطالب اللي كتبتي عندو ** عاوديلو راه خطو زين
آ ديك اللي گاعدة عند الباب ** مزوجة ولا راكي عاد
تاوكي يا لغزال بالجناني ** شوفي غرامك فين خلاني
فرانسا هبلت الغاشي ** حتى حنا گالت لي نمشي
ما عندي لا والي لا خي حنين ** نمشي معاك يا كحل العين
نعمر الفردي ونمشي للعين ** باش نشوفك آ كحل العين
هاك دراعي وشدو يا لوليد ** إلى تهرس الطبيب قريب
آ مين رگبنا على بلعباس ** طاحت الشدة وشاب الراس
تعالى آ لحبيب تعالى ** وحشك ردني حلا
آ مرحبا بلي راه گاع هنايا ** اهلي ولا البراني
تعالا يا الزين تعالا ** راه عشقك ردني حالا
فمها خاتم واش يصبرني ** عيونها قرطاس قتلوني
السنسلة والخواتم في ديك ** آ ديك الحادرة عينيك
آ دير السلوم و طلع عندي ** آباش تبوسلي خدي
العين الكحلا البرانية ** وسلامي عليك غي بعيني
آقاضي بركان حل البيبان** بنات وجدة جاو يدعاو
آ رواح نوصيك أو دير الراي ** آ فمي لا تگول العار
نتا براني و آهلي شينين ** وسلامي عليك غير بالعينين
آفاطمة يا حبيبت گلبي **نجي نشوفك و نولي
آ يامنة ثروح الخاريج ** ثدجا ياقزين يموث ذ گخليج
اسلمت عليا سلام النية ** صغيرة مازال درية
اتاوگت عليَّ بالهندية ** وشحال زينة ديك لبنيَّة
الركادة فرقوك بلانات ** دارو جرادي فين يقيلو لبنات
سيدي ميمون زوجني ** كل عام نجيبلك حولي
اديني يا لموت او رديني ** نشوف حبيبي باش بدلني
اديني يا الموت او رديني ** نشوف خويا واش يبغيني
فاطمة طالعة للجردة ** صباط  طالو حايك الوردة
سلمت عليا سلام نية ** خلات المَرا بين عينيا
بيني و بينك لبحر و الجبال ** محال ننساك آختي محال
آ محمد آ عود النوار ** ولي جاورك ما يقيسو عار
مولات الصالون فالطحطاحة ** گاع جيحتي الفلاحة
سكتي يا لالة لا تبكيش ** ولا نبطل گاع منمشيش
ندابزو بالمطارق عليك ** اللي وانطا  الالة يديك
ماحينيتي ما گلتي خويا ** كي داير گلبك آ سومية
ديرو خيالا و روحو جيبوه ** اليشير وين خليتوه
جايين بربعة كي لحمامات ** الواغشات آلبركانيات
الواغشات المرگوميات ** مقرتصين كي الروميات
صرالي ما صرا للعطار ** كول ليوم نبات في دوار
العار عليك اسيدي منصور ** خلي الزين اهود للناظور
آقاضي بركان حل البيبان** بنات وجدة جاو يدعاو
دوارنا يا دوار الزين ** ما يموتو إلا بالعين
خويا لبسوه الضباط ** طويل يجي معاه الصباط
من الرباط الغربي جاني لخبار ** فاطمة ولات جينيرال
درتلك الخيمة عند الوالي ** وشكون باعك آ دلالي
آ مول الصباط الزگايا ** صاحبك ماراهش هنايا
آ فاطمة درگوها لجبال ** آ بكيو آ عينيا
الى مت انا و العكونة ** في قبر واحد ردمونا
صيفتلك بريا بالعربية  ** جاوبيني يا اليشيرة
من مغنية للغزوات ** جيحوني يابا لبنات
للا وجدة كي هبلتيني ** اتريسينتي والامبا تگدي
لبنات لي سگاو بالركادة ** سگاو عقلي ماسكاو الماء
يامينة راه زينك رومي  ** ديري الخانا باش تنعرفي
نصيفتلك سلامي فالتليفون ** آ خويا گاع لا تبكيش
التيليفون اللي يجيبلي لخبار** نهرسو و ندير فيه النار
بني زناسن يا ديال الهما ** اديتو البراني لشگ لما
الصباط لحمر معرفتو لمنو** ليل وضلمة وخفت نهملو
آرگب رگب آ لمهولني ** شگ الجبال تاوگ اولي
العار عليك اسيدي فزوان ** خلي الزين اهود لبركان
آلزين إلى انت لي ** نعنگك نخالف يديا
آ ما شفتو ماتسامحت معاه ** من احفير داوه لبركان
تعادو و دارو العسا فليل ** جيرانك آختي شينين
آسيادي هادي اللي تهبلني ** تحزمت و جات قبالي
راني مركيت فالكار جديد ** منا لوجدة را لحال بعيد
آ غارسين النعناع فالطيارة ** بني يزناسن الزعاما
آ لالة گولي لولدك إجي ** ولا نرفد حايكي نمشي
انت گدامي وانا مراك ** آزين ويا لي گلبي بغاك
سياد الطلبة و رفدو معروف ** إلى هيا راكدة و آنا نبات نشوف
نديرك فذراعي ونسارا بيك ** آ خويا يا لِّي نبغيك
العار عليك اسيدي منصور ** خلي الزين إهود للناظور
انا عارف من عوجك عليا ** تفوتي عليا ماتنادينيش
يا اللي گولتو ماعندي غيوان ** وأنا عندي دفتاري مليان
العين الكحلا البرانية ** وسلامي عليك غي بعيني
آيامينة كي ندير لملگاك ** الجدارمية ساكنين حداك
أنا غيواني غاب عليَّ ** آ رَصِّي اليشيرة
آ خلا دار باك ولا شدوك ** اقسموك طراف و حطوك
آ فاطمة يا حبيبة قلبي ** جيت نشوفك و نولي
سولو المخدة على نوم الليل ** ولاحرگوها دموع العين
البابور اللي ادا لي لعزال**نحرگو و نشعل فيه النار
الداتو لفرنسا مرياج ** ما خمم ما شاف اللاج
مين گالو طابت الهنديا ** بالدموع بكاو عينيا
آ دارت إنو دارت أو موش ** الزين آ لالة منوش
الغزال آ سمر اللون ** أ فالصداق نديرلو مليون
شيبنية وركت عليا ** يسحابلي غرويض هندية
مالك آلزينة حادرة عينيك ** راني عارفك و عارف اللي فيك
آ مبقاتش في الحناني في اليد ** بقات فلمسمن في نهار العيد
آ محمد دير نظاريات ** راه عينيك هبلو لبنات
اليوم الجمعة وغدا لخميس ** الشارفة رافدة تليس
عاهدتيني و بايت برا ** خليتِ نارك شاعلة فيا
جيب المالية حطها قدامي ** ولد عمي آالزهواني
راني مركيت فالطيارة ** فالسما ما كان ديوانة
رواح الليلة رواح الليلة ** نگصرو في دار يامينة
آ يا خويا حوش الغزالة معروف ** عندو السرجم للبحر إشوف
شكون الطالب اللي ينسني فيه ** ولي طلبو يا مَّا نفديه
آ راجلك فالغربة ويخدم عليك ** وانت تضلي تكحلي عينيك
آ رواح اولد العموم نربيك ** اللي قل مني عايروني بيك
أ راني خايف لا نهجم أو نديك ** وندير لحشومة لوالديك
گولو لما صيفتيلي ميتين ** راني مگاجي في بلاد الزين
الطالب اللي نمشي نشكيلو ** نجبرو مريض حتى هو كيفي
كويتي گلبي وما حنيتي ** سمو درتلك آ لبنية
مصابني دري فلگماطة نبكي ** بين يديك الغزال
إلا مت آنا نخلي ولدي ** والزين ما نقيلوشي
يجيبك المانو و تجي عندي ** و ندير فيك ما نبغي
آبردي و شكون اللي قلقها ** مخنتا وشكون يقومها
عييتي تضربي ومقشتينيش ** الشكوى  لله آلبدالة
نبني عليك الروضة  ** ونجي نزورك آليشيرة
حنا ربعة و البنات ثلاثة ** ياربي زيدنا وحدة
كاوياني وحدة من جيراني ** ويا ربي شوف من حالي
يا بردي نديك ولا نشريك ** ولا نحرم الزواج عليك
عطيني سالفك نديرو سجادة ** باش نكوي الگرادة
إلى صبوني معاك آ عيشة ** الموت وحدة ماشي عشرة
رواحي تصنتي للطلبة ** راه الزامر خير من القصبة
آسيادي خليوني مني ليه إلى قتلني بالسماح عليه
دايرتك خويا كي ولد ما ** سعا نتا غدار آخويا
آيا لوكان تجيبو الطالب من الريف ** المحبة ما تجي بسيف
ما نهنا ما يرصى لي بال ** حتى نشوفك و نعنگك آلغزال
رواحو نتسامحو يا لبنات ** لموت غدارة شحال دات
آ خاطرو فالتوبة وعينو فالزين ** آ محمد آ كحل العين
راني غادي لمليلية ** ديري الحايك لحگي بِيَّ
آ رواح الليلة رواح الليلة ** ونقصرو في دار جميلة
فرگ الحمام طار ما ولا ** اگعدي يا لفيرمة خلوية
الطيارة لي ديتي خويا ** رديه ولا لحگيني بيه
لكان النحلة تجيب الكلمة ** ندير تليفون شگ الما
آ بنديري ينازع في دي ** كيف المريض داخلاه الموت
إلا كرهوك آ لالة فاطمة ** شكي لربي لا تگولي عار
آ موتو الكراهة ** فاطمة وردة والنحل تابعها
آ لميمة واش لگلب حديد ** كل نهار إجي خبار جديد
الحال صبح والنجوم تعلات ** گولو صباح الخيريا لبنات
عطيني سالفك آلهواوية ** نديرو حمالة للربعية
ناري الموت عدوتي ** دات مرتي وخلات نسبتي
جاية من وجدة ندق البيبان ** گالولي الزين راه في بركان
ناري لوكان يبغي باك ** نجيب المعلم و نبني الدار حداك
صباط طالو والنعالة دلاس ** او كيندير انا لبنت الناس
هاكي صباطي روحي لبسيه ** انا نسلك فالسبردينة
لوكان الزويجة عندي ** ندير في لعدو ما نبغي
آ بكي يا عيني وزيدي لهموم ** ثمالا ييويت آ جحموم
آ ربيت الكبدة على لميمة ** حسابني لمجاورة ديما
تكلم آ بنديري والله يهديك ** والعزاز گاع غارو بيك
ديري الجلابة و زيدي خارجة ** گولو لفاطمة حبيبك راه جا
طريق بويقشار فيه التورنات ** وريولي دار عائشة فين جات
اللي عندو لمرة شينة ** كي يدير يروح للخيمة
يا ربي كلام الرجال شوية ** كلام النسا هو اللي بيا
داويني يا خويا و زورني ** حب النسا راه شيبني
زوج حمامات طارو من الواد ** وللا تحاول آللي صياد
الجلابة حمرة و العيون توامة ** كيندير آ ديك لحمامة
حوست للمان و بلجيك ** بقاتلي هولندا و نجيك
دايرة قشابة ديال الدبليج ** ديك لبنية جات ملخاريج
دايرا فورانا على حد الراس ** أو كيندير أنا لبنت الناس
فوتو الركادة تشوفو لحمام ** جيهت السوق أو بركان
غرست جناني و بعدت عليه ** جاو الرعاين گاع رتعو فيه
ريشتيني كي فرخ الورام ** ديك الغزالة ما تشوف منام
الواد الغارق و الظلول اللي فيه ** اليوم الواغشات ضلو فيه
جيبولي صندوقي مغطي بوراقو ** عندي حبيبي ما نسخى بفراقو
رگب رگب آ لمهولني ** شگ الجبل اتاوگ أو ولي
آ محمد آ ربطة نعناع ** راه فوق الطابلة ينباع
الحمام الشرادي يا ما ** معيشتو غير اللوز
ديما معذب صيادو يا ما ** ساكن سيدي عزوز
الزين اللي عطى ربي ** أ فاطمة كالشمعة تگدي
الشارفة تبغي رگاد الجيب ** رافدة لمراية تنگي فالشيب
الشارفة كرطي داك الراس ** تستاهلي منديل جا من فاس
الطيارة الحوامة ** بلغي سلامي الحمامة
آلالة لميمة ديت الراعي ** يمشي للبلاد اعاود اخباري
مصابني طير نحوس على لمدون ** نشوف وليدي فين راه إكون
البنية بيني و بينك دايرين الصور ** انت هانية وانا نبات ندور
سلمي بخدك علي ** و يدي مريضة آليشيرة
ايروح الخارج يتو يماس ** يگا اعديس ام أفوناس
آ ثاكنيفت تهوا آكد يغزر ** آ محند آ بو ينزر
آ سلولو آ يا سرذون ** قا يباك يگا لكحول
اروح الخارج ذي لفلوكا ** يدجا فاطنة ثزنوز الميكا

جمع وتحقيق :

مريم مرگوم